انت يا
متفكرش اني كرهتك
ابدا ابدا معرفش اكره انسان
كرهت قلب حبك
قلب عاش يوم ف ضلك
لكن......
مبقاش جواه شىء فاضلك
مبقاش غير دمعتين ف الرموش متعلقين
استنى متفكرش قلبي حزين
دا الدمعتين على عمر فات من سنين
كنت فيهم طفلة بريئه
بتصدق كلمتين حلوين
صدقني هى دي الحقيقه
ابعد بعيد سيبني اعيش
يمكن اللحق من زماني فرحتين
يمكن ارجع للحياة
او اصادف ضحكة تايها
ليه نخلى الوداع دايما حزين
يكفى علينا غدر السنين
ياما عشنا مجروحين
ياما صبرنا ياما قولنا بكره احسن ده اكيد
ياخساره بكره مجاش من جديد
كنت فاكر اني هصبر
وانت ليا دايما بتغدر
كنت فاكر اني هسامح
رغم كلامك ليا جارح
ولروحي بايدك قسمت
كل ده وجاي تقول هتخسريني
انك لقيت ضحية جديده
فاكر انك هتقدر تغير الحقيقه
اني عليك كدبت
اني خلاص ليك كرهت
حتى اسمك كمان نسيت
#منى الفؤاد#
ليست هناك تعليقات:
إرسال تعليق