و ناس ممكن تلومني عليه
و ناس هتقول دا واد سايب
و ناس هتقول جرالك ايه
لكن عادي انا هاسأل
و عايز من صحابي جواب
هنقدر امتى نتصافي.؟
و نصبح كلنا احباب ؟
و ليه دايما على بالنا
فلان من امتى أصبح ليه ؟
و ليه ما نقولش شاف شغله
فرب الكون قصد يديه
ما حدش رزقه على كيفه
و لا أمر الحياة بايده
دا هو قال تكالي عليك
و ساب الحمل على سيده
و سيده ف السما و أمره
ما بين الكاف و بين النون
بيرزق ف الصخور دودة
و مدينا عقول و عيون
فقيس نفسك عل مزانه
و حاذر م الحرام و انساه
هيفتح لك بيبان خيره
و تلقى السعد و انت معاه
#فهمي_علي
ليست هناك تعليقات:
إرسال تعليق