وبسرعة عليه جريت
بحضن فيه اللي فات
قعدت معاه حكيت
عن شوقي مااكتفيت
والماضي وإللي آت
...............
ياترى ياحبيبتي حاسة
بحنيني وقلبي لسه
منتي شطي ومرسى
و إنتي كل الحاجات
....................
وإن كان في شيء بيدي
كنت أوهب عمري وأدي
وادعيلك عني ترضي
ولا تشكي م الآهات
................
وحشاني كتير يا أمي
وأنا مين أحكيله همي
دانا كنت فيكي محمي
وف حضنك كنت ابات
...................
ياقبر خلي بالك
دي أمانة سيبناهالك
مدفونة بين رمالك
ومعاها قلبي مات
.................
سلملي كتير عليها
راعيها وبوس إيديها
أرجوك اتوصى بيها
في الوحدة والسكات
#سميرمحمود
ليست هناك تعليقات:
إرسال تعليق