اعرفك بنفسي ...! بقلم .. محمد عبد المنعم

اعرفك بنفسي
انا حد ف عز ضعفك
واقف دايما ف صفك

ويا قلبي انا بتأسف لك
غلطة وسوء اختيار
اديت لك كل حاجة
كنت باوفي بسذاجة
روحي اكيد محتاجة
مني الف اعتذار
ويا قلبي ما تستاهلش كل اللي عملته فيك
انا فوقت وليا رجعت
انا كنت باضيع وقت
دا امبارح غير دلوقت
اوقات برضه الازمات بتبني ومش بتهد
انا اقوي من النسيان
ومناعة ضد الاحزان
ووش تاني هيبان
هتشوف منه حاجات وانا عمري ما اخلف وعد
هابعد عن كل حاجة بتفكر قلبي بيك
ويا قلبي ما تستاهلش كل اللي عملته فيك
انا اكتر حد ضحي
عشانك واداك فرحة
دا كل لحظة جارحة
منك لله عليها سيبت جرح كبير
معقولة ذنبي وعيبي
اني وفيت لحبيبي
ويكون م الدنيا نصيبي
دموعي تتسلى بيها غدرك كان خطير
لا انت كنت ليا ولا عمري كنت ليك
ويا قلبي ما تستاهلش كل اللي عملته فيك
اعرفك بنفسي
محمد عبد المنعم
منعم