ومين يقدر على عزيزة ...! بقلم .. مصطفى احمد أبو إسلام

ومين يقدر على عزيزة
من المنصورة للجيزة
مشيفاش حد
ف ايدها مطوة قرن غزال
واللى يشوفها يجى له هزال
لا بتخاف نسوة ولا رجال
وعاملة للسجن فيزة
ومين يقدر على عزيزة
على اهل الحارة فارضة حصار
معاها شلتين أشرار
وال يخالفها بدون إنذار
تهينه ولا يبقلوش ميزة
ومين يقدر على عزيزة
وكام بكت رجال وحريم
وفى الإجرام نالت تكريم
واللى يحس نفسه عظيم
عليه تقلب ترابيزة
ومين يقدر على عزيزة
............... بقلم .. مصطفى احمد أبو إسلام