أمى ... بقلم .. بتول العتربي

طلبت وقالت اكتبى
لو كنت منى ح تهربى
ماتحققى لى مطلبى
طلبك ياغالية عندى أمر
وكل ما أفكر لك فى أمر
الحلو يرخص يبقى مر
من غير عبيرك
ما ألقى فى حياتى يوم يسر
راح أكتب عنك اد إيه
كل حياتى ازاى وليه
دا انت أنا عمرى إللى فات
وإللى هويته فى ذكريات
يفتح لقلبى كتير ساعات
متنسمة بحنين ايديكى
وبالصفا إللى شفته فى عينيكى
ياللى إنت عمرى كله ليكى
إن كنت أقدر امنحه قبل الممات

ياجنةمن عند الإله
ياغنوة حلوة فى الحياه
إن قومتى يوم وسمعتى آه
تجرى على الفرح إللى تاه
وتقدميه بصورة حنينة
مبتسمة دايما مؤمنة
وبتسعدينا بالهنا
متجملة بتوب الحيا
وأنا كلى من رحمك أنا
يا شمس عمرى ياطيبة
يانور فى ليلى والصبا
إن قلت عنك أغنيات
ماتوفى قدرك لو ساعات
ما أنا كنت قدرك إللى ات
وانت طريقى ودنيتى
وحبيبتى أنت وكلمتى
أمى إللى ليها محبتى
#بتول العتربى

٤ تعليق