المشهد كان أصعب من أن يقال عنه إنه مأساوي
إللى حكى إنه شاف أب وأم مرميين شبه متفحمين ع الأرض
وجه ينقذهم قالوله لأ م تنقذناش إحنا
انقذ محمد وسحر ولادنا بسرعه هناك
راح يشوفهم لقاهم ماتو.. رجع قالهم خلاص
راحوا المستشفى وهما كويسين
وبعدها بعد عنهم وخد جنب قعد ع الأرض
وانفجر ف العياط
واللى حكى عن أم حاضنه طفل والاتنين مولعين حاول يقرب منهم كانو ماتوا
والعروسه إللى كان فرحها بعد اسبوع ونازله تجيب حاجه ناقصاها ماتت
وهتلبس كفن بدل الفستان
وأصعب مشهد بقى
عن أب ماسك ف ايده كتله نار كبيره والناس بتحاول يخليه يسيبها واتاريه إبنه وعمال يقولهم لأ ده محلتيش غيره
ربنا يرحمهم من النار إللى عذبتهم ف الدنيا دى
وميعذبهمش تانى ف الاخره
وهو أرحم الراحمين
اللهم آمين
،،،،،،،،،إيهاب السقا،،،،،،،،،
ليست هناك تعليقات:
إرسال تعليق