يرحم ليالى زمان .. للشاعر .. هاني نبيل الفحل ( أبو رنيم )

 قالوا العذاب ألوان...
قلت اللي قال معذور .
.شايف ف كل مكان
كاس الأسى بيدور ..
حتى اللي عندو المال
عاجز يعيش مسرور ..
يرحم ليالي زمان
كان الفقير مستور ..
(بقلمي هاني نبيل الفحل أبو رنيم)

ياضاربين الودع . بقلم الشاعرة .. فاطمة علام

 

ياضاربين الودع

أمانة دلوني

لون الصفار م الموت

وللا دا كان لوني

بيني وبين خلي

مسافات من التوهة

امتى الغريب هايعود

وتضمني روحه

وادوق انا م العشق

وأطبب اجروحه

غنى الحمام ع الشجر

قلت الحبيب جاني

وفرشت له رمشي

ع الأرض سجادة

دوس ياالحبيب خطي

مشتاقلك النني

سخر العزول مني

وحبيبى لسه ماجاش

تخدعني ليه ياحمام

وتشمت الأوباش

الفجر ما استناش

يرجع حبيب الروح

ضلت مراكب الشمس

سكتها واتبدل

صوفها وبعد الغزل

من بختنا اتخبل

وأمانة يا مرسال

ياللي نويت قَبِل

العشق مش لعبة

وللا الفؤاد صورة

دوبت حبل الوصال

والسكة مقفولة

من إمتىٰ كان عاشق

يتملا في جروحه

ياضاربين الودع

قلبي قليل بوحه

وعيون حبيبي دوا

لو بالغرام هايجود

وان. أن يبقىٰ السبب

أعجب كمان م العجب

لو كان دواه موجود

#فاطمةعلام#

رباعيات لابويا اللى مات ....... للشاعرة / ميمي محمود عبدالجليل ... بنت الريس محمود عبدالجليل ( المراكبي)😘

 

رباعيات لابويا اللى مات

.....................

وحشنى يا ابويا وفين من زمان

وحشنى وتاهت معانى الكلام

وفين حبك انت وفين الأمان

رجعوك لبيتنا ده صعب ومحال

وكنت يا ابويا الصعيدى التمام

تقول الكلام يبقي زين الكــــلام

وخوفك عليّا تِدَلع ..تشـِــــد

وما جانى حد في مكانَك يِسـِـــد

وحشنى يا غالى ...وفين انت فين

يافوق في العلالى ...بقالك سنين

واقولها واحشنى ..ودايبة ف حنين

ويارب اشوفك ..فى جنة ونعيـــــــــم

وللعِمة قصة يا سادة كــمان

ابويا لاففها بذوق واتـــــــــزان

وساعة ما اقول له يشيلها ...يقول

بِشِدة ..

يا بنتى دى رمز الرجال

(أبويا مراكبى) يحــــب البحــار

وكلمة يقولها دى كلمة كبــار

وله فى المجالس مكانَة أكيد

وله كف جامد يهـٍـــــــد الجـــدار

لو أقدر يا أبويا أرَجّع سنيــــــنى

ولما تشيلني اشيلك ف عينى

وامتى يا قلبى اللى ضايع تجينى

وأقولك فى حلمى تواسى أنينى

ماهو انت يا ابويا الصعيــــدى

الاصيـــــــل .....

شديد العزيمة وطبعك جمـــــيل

حامينا وراعينا و كنت الدليــــــل

ولا يمكن القي لقلبك بديل

ولا عُمر كان اسم أبويا يُهَــــان

ده كانت له سُمعة تمام التـــمام

وكانت له هيبة تفوق الخيــــال

ابويا د كان هو أعظم مثال

ويرحــم أبــــويا ..ويرحــم زمان

وسِنُه اللي يضحك و عيشتُه الامان

كفايه انه فات لى كتير ذكريات

وعايش في قلبي كأنه م مات

ورحمة وسعادة يا سيد الرجال

يا قوة وطيبة و اصول واحترام

يا محمود واسمك ادب والتزام

تعيش جوا جنة في راحة وسلام!

يااارب ..

في الجنة ونعيمها يا حبيبي

توفي ابي من 40 سنة وكنت وقتها مازلت طالبة

ومن يومها وانا افتقده ....

ربنا يبارك في كل اب عايش ويرحم الاموات

ربنا يرحمك يابا.

#ميمي محمود عبدالجليل

بنت الريس محمود عبدالجليل ( المراكبي)

ادعوا له بقي والله كان محترم ويستحق الدعاء

يا فرح لالي .. للشاعرة .. عزيزة غريب

 

يا فرح لالي في العلالي

عروسه غاليه وعريسها

غالي الفرحه جمعت بين

قلبين يكفينا شر حسود

العين والشمع قايد علي

الصفين والزغاريد ف السما

بتلالي يا فرح لالي

والبلكونات يملاها النور

للحلوه اللي عليها الدور

واحلي زفة واحلي زهور

والانوار علي البيت بتلالي

يا فرح لالي في العلالي

عروسه غاليه وعريسها

غالي ربنا يديم الفرح علينا

وعليكم جميعاً يارب

تحياتي/عزيزة غريب

العيون السود والشعر الطويل .... بقلمي هويدا مصطفى درويش

 

العيون السود والشعر الطويل

والدقايق بتعدي كانها سنين

واحنا برده

زي ما احنا موجودين

جوه مننا احلام

من زمان وياما كان

المحبه حبه حبه

احلى فرحه

تاخدني لبكره

واعيشها مع الايام

وحروفها تتغنى كمان

لفي بينا ورجعينا للزمان

يا ضحكه طالعه في السما

تنزل الارض تملاها

فرحه جايه

وتروح معها احزان الغلابه

بقلمي

هويدا مصطفى درويش

قصيدة : ( جلدي تلطخ بمدادك ) ـــ فاطمة البسريني .

 

جلدي ،

وقد تلطخ بمدادك،

سيبعث إليك ،

بكلمات هادئة ،

سرا ،

كلمات اختبأت ،

داخل ثنايا صمتك ،

في أبدية قلبي .

مع نسمات الله

وبسمات ،

من القلق إلى الهدوء

فقط خطوة ،

ونغمات ،

إلى طمأنينة الأيام،

أو توالي الثورات .

ستتسكع بين سطوري ،

ما تبقى لك من الحياة .

اللامعنى سينزلق دائما

من واقعنا والذكريات .

أين نحن ؟

في مكان ما ،

في الخلاء والطرقات .

هل سنطوي المسافات ؟

من هناك إلى هنا ،

مسافة طويلة ،

بعض الأوقات .

لدي إحساس أن

العالم نسي أن

يضع رجله ،

وهو يصعد السلم ،

على درجة من الدرجات .

ضجيج ، صوت أجزاء

تتساقط أرضا ،

لطالما ، أحببت

ودائما بصورة رهيبة ،

وسط انكسارات .

قصيدة : ( جلدي تلطخ بمدادك ) ـــ فاطمة البسريني .

يامن أحببتك.......بقلم......... .........مني محمد.......

 

يامن أحببتك....

وأسكنتك الروح والفؤاد...

أحبك.....

ثم أحبك....

بكل الحب الذي ينبض

له قلبي ......

أحبك يامليك قلبي... وأناديك....

وأرسل أليك أهاتي....

لتبحث عنك بداخلي....

أحبك....

أخطها لك بقلبي الولهان....

وأكتبها لك بقلمي الذي يكتبها لك بقطرات دمي ونبضاتي......

التي تعشقك وتهواك...

فياكل الحب.....

ويا كل العشق......

ويا كل الحيااااااااه...

أحبك بكل ما تحمله كلماتي.......

وأشعاري من عشق وهيام.....

فهل علمت مدي حبي يامليك القلب والفؤاد...

.......بقلم.........

.........مني محمد.......

🍁من غير قمر🍁 🍁بقلمي/ صفاء الخواجة 🍁

 

من غير قمر

ليه حاسة دايما بالضياع

وفراغ بيعزف ع الوتر

وهشاشة رغم إني أبان

وكأن قلبي من صخر

***

وعيون بتضحك والتمام

جواها دمعة من حجر

لا ف صبحي لاقية م الأمان

ولا ليلي فيه إلا السهر

***

القلب مالياه .. الهموم

والفكر عايش ف الضجر

ومفيش ف بالي غير قبور

أحباب وذكرى بتندثر

***

العقل فيه مليون سؤال

ليه عمري راح من غير خبر؟

وسنيني ليه ويا الرياح

عايشة الضلام من غير قمر؟

***

بقلمي/ صفاء الخواجة

رباعيات ....Zainab Selim

 

‏‎Zainab Selim‎‏ ‏ ‏

عصيان

◇■◇■◇■◇■◇■◇■◇

لما جت ،،،،،،،،،، وقُلت هاكتب

عفريت شعري يومها عصى

حتى حبر قلمي جف ...!!!!!

واتحول فإيدي ........ عصى

قولت يومها .... مش هتفرق

سوى كان تايب ... ولا عصى

وعجبي ..!!!

Zainab Selim

من كتر ما شاف قلبي الطيبب ... كلمات الشاعرة .. Hanan Morsy

 

‏‎Hanan Morsy‎‏

من كتر ماشاف قلبي الطيب

بغفر وبسامح. واطيب

واستني ف بكره واقول جايز

تتغير ايامي المره واعيش

من غير ما اكون خايف

من كتر ما شاف قلبي الطيب

ولا صدق بِنفع. ولا طيبه

احولانا ياناس حاجه غريبه

لا بقينا بنخاف علي بعضينا

ولا حاجه. حلوه. ترضينا

شغلتنا الدنيا. وهمومها

عيشنها وباقين علي. تكه

علي حلم وشويه. فكه

جين علي بعض.وبنجرح

مشينها تاتا. وبنعكذ

من كتر ما شاف قلبي الطيبب

بقي خايف مرعوب وبيكتم

بقي عايش مخضوض متلتم

ساب حلمه خلاص. يتيتم

وبقوله عليه. المسكين

ظلمينه وف كل. دقيقه

جين علي همه. وبذياده

متحمل. وبينزف. ديماً

ولا حد بطبطب. ولا حاجه

من كتر ما شاف قلبي الطيب

حب على ورق.... للشاعر .. فوزي_سليم. مصر

 

حب على ورق....

ياعم حب وقول كلام

وعيش نفسك في الأوهام

الكلام ماعالهوش جمرك

ولا ضريبة ولا ميزان

حب زي ماانت عايز

ماهو أصله حب على الورق

حب مافيهوش قلق

كل مايجيلك دور زهق

عيش نفسك في روقان.

ياابن الناس كفاية كدب

بتغش الناس باسم الحب

الحب لو خارج م القلب

كله في الآخر حايبان...

بلاش توهم معاك الناس

وتكون انت وسواس خناس

اللي بتدحك بيه ع الناس

بكره في بيتك راح تلاقيه

وتعيش مره وتجنيه

اصمت احسن ياخيبان

قانون الحياة ((داين تدان))

فوزي_سليم. مصر