*أيوا هنت*
................
أنت كنت ليا دنيا
نبض قلبي كل ثانيه
بس غدرك داس عليا
أيوا هنت كتير عليك
أنت واهم إني لسه
بيك حياتي أيوا حاسه
لأ خلاص الحب إنسى
مات زماني بين إيديك
*برا قلبي خلاص هاسيبك
كنت فاكره أه حبيبك
بس فجأه خلاص لقيتك
بعت حبي وكله ضاع
خلي نفسك يوم مكاني
ياللي قلبك عاش أناني
تفتكر لو قلبي جاني
كنت تغفر للي باع
*روح خلاص خليك ف حالك
وانسى حب اختار زمانك
كان ونفسه يكون عشانك
والحياة دي يعشها بيك
الكلام دا فات اوانه
والعتاب تاه من كلامه
كنت بغفر أه عشانه
قلبي اللي اختار اه ليك
*النهايه دي ف كلامك
وإللي باع قلبك وخانك
جاي تقولي طب عشانك
إني أنسى كمان واسامح
أنسى جرح كتير ألمني
أنسي إنك خنت قلبي
نفسي أنسى إنك بايعني
وأنسي ليك كل الملامح
#كرم ميخائيل
ليست هناك تعليقات:
إرسال تعليق