ا كلمات /شاعر بنى هاشم
الشاعر صبرى عبد الواحد الحساني
انا الاستاذ
استاذ فى المعاملة** وماليش على حد عيبه
كلامى فى الوش أقوله** واخاف قوى من الغيبه
لو قلت اللى أقوله أفعله** ونفسى من الناس قريبه
انا الاستاذ
استاذ أنا فى الكلام** وكلامى وفعلى واحد
راجل شديد وجد** وقلبى حديد وجامد
انا الاستاذ
استاذ أنا فى المعاملة** براضى كل الناس
ارضى ساقيها وراويها** من غير ساقيه أو فاس
انا الاستاذ
استاذ أنا فى الرجولة** ومعلمها لعيالى
وارثها عن جدودى** ابويا وعمى وخالى
انا الاستاذ
استاذ أنا فى المحبة** قلبى ابيض نضيف
عمرى ما كنت خاين** ودايما ضيف خفيف
انا الاستاذ
استاذ أنا فى المواقف** دايما للحق ناصر
وكرمى وحبى للجميع** مش على حبايبى قاصر
انا الاستاذ
استاذ أنا فى المجامله** لكن من غير نفاق
حافظ اصول المعاملة** وكلامى فيه ترياق
انا الاستاذ
استاذ أنا بين حبايبى** وحبي ليهم شاغل
محبوب من الجميع** وعمرى ما كنت ساهل
انا الاستاذ
استاذ حتى فى زعلى**اعرف ازاى ارد
لو حد فيه عاب** اعرف ازاى اصد
انا الاستاذ
استاذ أنا لما أعاتب** عتابى شىء يدرس
ما اعيبش لما أعاتب** ولا اللى اعاتبه اجرس
أنا الاستاذ
استاذ أنا فى كل شىء** من الألف للياء
فى حبى وجدى وهزارى** أنا كنسمة فى الهواء
هذا هو أنا فى سطور والحمدلله أكرمنى الله بحب الناس وحسن البصيرة وحسن معاملة الآخرين
اخوكم/, صبرى عبد الواحد الحساني معلم بمدرسة الإصلاح الزراعي بنجع حمادي
ليست هناك تعليقات:
إرسال تعليق