بتوحشنى ..!......... الشاعر . حسن السحماوى .

 

بتوحشنى ..!

بيغلبنى الوجع باسرح

واعيش الوصل فى رحابك ..

ويسألنى الحنين عنك ..

بلاقى روحى على بابك ..

ولما باحس باتنفس

شهيق روحى فى انفاسك ..

ويسألنى كتير قلبى على حبك ..

لفين وخدانى ايامك ..!

بتوحشنى .. !

كتير باشتاق لأوصافك ..

واحاول إنى أنده لك ..

و بحر الشوق بيحدفنى فى مجدافك ..

ولو صادف فى يوم شوفتك ..

منين ابدأ مزيج العذب بالمالح ..

بيشغلنى حنين صورتك .. من امبارح

فى بروازك أنا شوفتك ..

ويملكنى خجل جوايا على شطك ..

ف بشتاق لك ..

وتسكنى فراغاتك .. ما بين همسى واشواقك ..

واطوف بين الهزار والجد ..

تأخدنى اللهفة جوايا ..

أااقوم أفتح .. مابلقاش حد .. !

بتوحشنى .. !

.......... الشاعر .

حسن السحماوى .