الإنسان ميبقاش انسان الا لو رباه انسان
على القيم والأخلاق والمبادئ يصحى وينام
اللى سرق مصر مسرقش فلوس ودهب وطين
اللى سرق مصر سرق منها الأخلاق والقيم والدين
سرق اخلاق ولادها الطيبين
اللى كل اهتمامهم للاسف أصبح تريندات و ماتشات ولعب ومين كسب مين
واغانى مهرجانات وتسقيف وتنطيط شمال ويمين
وافلام بلطجة وعنف اللى أصبحت فيها الفتونة والتطاول سمة وقدوة للجيل
وجرى ورا الموضة حتى لو مش لايقة علينا المهم نلبس زى فلانة وفلان
مبقاش فيه عيب ولا ميصحش ولا حرام
أصبح الرد خليهم يجاروا العصر ويعيشوا زى اللى عايشين
عرفتوا يا حضرات العيب فين ؟؟؟؟
مش فى الزمن
العيب اننا نسينا أننا مصريين لينا تاريخ وحضارة من آلاف السنين
اللى بيميزها العراقة والأصول اللى متتبدلش مهما تمر السنين ...ومهما طلعنا ونزلنا
فى الاخر احنا مصريين
بمبادئنا وعاداتنا وتقاليدنا وأخلاقنا اللى لازم تبقي لايقة على مجتمعنا
مطلوب نطور عقولنا وتفكيرنا.........
بس اوعوا ننسي
إننا مصريين ........
المستشار ناجي هيكل
د. سوزان احمد على
ليست هناك تعليقات:
إرسال تعليق