أنا كنت بحلم
.......................................
عارفه ليه الحب
خايف مننا .. !
الضحكه فى وشوش بعضنا
صبحت .... نفاق .. !
والكدابين .. صبحوا كتار .. !!
واحنا بقينا .. فى دنيا
غايبه عننا .. !!
مافهاش .. نهار .. !!
صدقنا بعض فى كدبنا .. !
مرعوشه جوانا الحقيقة تذلنا .. !
وأاااااااااه .... يا أنا .. !!
أنا كنت بحلم إنى اكون .. !
معنى وحقيقة فيك يا كون .. !!
أحلم .... وأحقق حلمنا
تطلع حقيقه تدلنا ..
شط وأمان ..
وليل بقمره تونسه ..
ونجوم تصهلل فى السما ..
ضى وحنان ..
ونهار بيفرح باللقا ..
وشمس دافيه مروقه
وشط رامى رملته
وف سكته عطف وحنان ..
وأنا كنت بحلم إنى اكون .. !
ملقتش فى الحلم المصون
غير الخداع .. وضمير مباع ..
وفكره تاهت مننا .. !
ولاعمرها فى بكره تكون ..
والضحكة فى وشوش بعضنا
صبحت تخون ..
وأنا كنت بحلم إنى اكون .. !
معنى وحقيقة فيك ياكون .. !!
(فارس الكلمة والمعنى )
شعر / حسن السحماوي
ليست هناك تعليقات:
إرسال تعليق