السجال الاول بين كلا من
الشاعرة والكاتبة عتاب معوض والشاعر محمود عمار الزلباني
تحت عنوان
(((((
قلب تاني))))))
قلب تاني))))))**************
محمود
ارجوكي جاوبيني
طب ليه شغلتيني
ما كنتي سبتيني
في حالي وحداني
**************
عتاب
انا بس كان مالي
تشغل لي ليه بالي
عايشه انا في حالي
وايه بس على
المر يرميني
*******************
محمود
القلب طار راح لك
وعيوني مطرح لك
والدمع صرح لك
وعشان ايه تبكيني
*************
عتاب*
مش ذنبي تعشقني
وبالشوق تلاحقني
،، وانا قلبي مش قصدك
ولا يوم طلب وصلك
وبالحيره بتسبقني
************
محمود
القلب كان ناسي
وعلى وحدته راسي
والمر كان كاسي
طب جايه تواسيني؟
**************
عتاب
طيب ايه انا في ايدي
لا فردت لك جناحات
ولا رسمت طريق
انا قلت من الاول
مش اكثر من صديق
***************
محمود
ليلك انا سهرته
وقلبك باجيب سيرته
والقلب داق حيرته
ودموعي بتكويني
****** ********
عتاب
في سكتي لقيتك
وعمري ما حبيتك
كل اللي حسيته
اخ وصديق غالي
************،***
محمود
ليه بيا تتسلي؟
وهجرك بيوصلي
حاسس انا باللي
ف البعد يرميني
***************
عتاب
مقدرش يوم اعيش
على الهامش
بقلبي عايش
ومش عايش
علشان ارضي غرورك
وقلبي محبكشي
*****************
محمود
من القلب حبيتك
وضلوعي كات بيتك
وبرمشي خبيتك
، نزلتي دموع، عيني
**************
عتاب
انا قلبي عاشق من زمان
ما بقاش فيه لحد مكان
وهو ده كان اختياره
ومش بايده ينساه كمان
****************
محمود
يا غاوية البعد حني
ولا خايفة برده مني؟
ليه تخبي الحب عني؟
يا فرح ايامي وسنيني
***************
عتاب
بتمنى لك السعاده
واشواق وحنين زياده
ربي يدي قلبك
اللي معايا مش لاقيه
***************
كلمات كلا من
الشاعره والكاتبه عتاب معوض
والشاعر محمود عمار الزلباني
ليست هناك تعليقات:
إرسال تعليق