كلمات شاعر بنى هاشم
الشاعر صبرى عبد الواحد الحساني
سألنى ولدى
سألنى ولدى وقالى
انصحنى من مين الزواج
البيضه ولا السمرا
قلى بدون احراج
التخينة ولا. الرفيعه
أنا خلاص نويت الزواج
تكون موظفه بتعمل
ولا ست بيت بدون ازعاج
سألنى ولدى
خلاص يا والدى نويت
اكمل بإذن الله نصف دينى
خلاصة خبرتك وحياتك
فكر ولخص ليها وادينى
أنا عايز ابدا حياتى
وربى الخير يعطينى
قلى يا والدى اعمل إيه
طريق الصح ورينى
عايز واحده أصيلة
لو تهت الطريق تورينى
تكون بنت ناس وجميله
لو مرضت نظرتها تشفينى
تصون عرضى ومالى
ولو عينيها طلبت تدينى
رديت على كلامه
رديت وقلت بصراحه
الاختيار صعب عليك
لكن أنا هريحك
ليه تروح بعيد بعينيك
اختار واحده تكون
فى ادب واخلاق اخواتك
وجمال وطيبة امك
تشرف وتكون مراتك
وفى اصل اختى عمتك
تربى على الأخلاق أولادك
اختار فى الأصل اصيله
تكون فى اصل عماتك
اختار اللى من بيت شريف
تحمل اسمك وتسعد حياتك
الاب فى البيت ليه كلمه
يكون جد أولادك
والام سمع وطاعة
هتكون زيها مراتك
البنت للأم صوره
لإما سعاده لإما تنغص حياتك
واختار لإبنك خال
يكون فيه من سماتك
ما يكونش عبد. للمال
هيفرقك مع اخواتك
رد عليه وقال
قالى يا والدى بصراحه
ريحت قلبى وبالى
أنا رسمت خلاص صوره
وهجهز حالى ومالى
وانت عليك السؤال
والإختيار عليه يا غالى
قلتله بالتوفيق بصراحه
أنا مركز على واحده فى بالى
ليست هناك تعليقات:
إرسال تعليق