وأنا بين ايديك ... بقلم .. # بتول العتربى

امسح دموعك دا الألم
بان فى عينيك
امسح دموعك سكتك
راح تحلى بيك
عاهدت قلبك دلنى
وأنا باشتريك
ياللى مقدر وحدتى
علمتنى
خوفى عليك
ألمك دا ياما هزنى
وجعنى وبحرقة أنا
منه اشتكيت
ما أقدر أشوف دمعتك
ما أسمح لكلمة تجرحك
والوقت ليك
شايف ترانيم الهوى
إللى تراعيك
الدنيا واحنا سوا
ضلة فى واديك
إن كان مقدر نلتقى
يومى يوافيك
ويكون دا حظى وقسمتى
مالك شريك
اضحك وعلى ضحكتك
وابنى لى بيت
يشهد على حبنا
ساعة ما أجيك
ويكون لى بيك ساعة هنا
وأنا بين ايديك
# بتول العتربى

١٨