عتاب .. ! شعر .. بتول العتربي

أنا قلبى له مفتاح كرار
موجود فى خدره من المحار
والعمر دار
وحبيبى تاه عنى نسى وكمان قسى
تاه ع المسار
ولما افتكر إنه يعود
قام جاب لى عود
وعاملى يوم زفة وزار
يا أهل الديار
ابقوا قولوا ياجدع
قال الودع
إن كنت غاوى ماتشتكى
لما الحكاية تتحكى
سلم لمنصف راح يقول
العمر منا راح يزول
قبل الندامة لك قبول
والفرض لازم ينقضى
وح يتمضى
اسمى واسمك ع الورق
وأكيد فرق
الحب عمره ما ينحرق
لو كان أصيل
لو له دليل
ودليله كان كلمة شرف
لم تنحرف
ومالوش بديل
# بتول العتربى

٩