قسمة ونصيب .. بقلم .. إسماعيل احمد

مش مجرد بس إسم
أو حروف بتباهي بيها
كل حاجة نصيب وقسم
وقسمتي راح أرضي بيها

بس ليه أنتي اللي راضية
تبقي وقت الحزن ساكتة
بتشوفني بموت في لحظة
وكلمة منك بس هحيا
كأني موتي متعة ليكي
اسمها حاجه بتضحك
حاجه فرحة لاء حاجات
حاجة تتفاءل وجودها
وترضي بيها من سكات
لما أشوفك قلبي يفرح
حتي من تحت النقاب
وازاي عرفتي تخشي قلبي
رغم أنه بألف باب
فيه حاجات كتيرة بشوفها
لما بفتكرك في روحي
ووقت لما الدنيا تجرح
بابتسامة تطيب جروحي
مش بخاف أنا من ظروفي
كل همي راح يزول
بس همي وكل خوفي
إني بعدك دا يطول
عايز أقولك بس حاجة
أن حُبك دا سذاجه
حاجة من غير إجتهاد
حاجة من جوا تلاقيها
دنيا فيها البؤس مات
والسعادة دي كل حاجة
بلاقيها في دنيتك
حتي حزن الدنيا عندي
أحلي فرحة في جنتك
باختصار خلصت حروفي
ولسه بكتب قصتك💔
#سـoـاعين!i

تعليقمشاركة

التعليقات

اكتب تعليقًا...