يارب ****** بقلم .. راوية حسن

يارب
******
ياعالم بحالى
ياغنى عن سؤالى
ماتحقق لى امالى
امالى دى بسيطه
بايدك تديهالى
ولايكتر عليك
وهى مكتوبه لى
خزاينك فيها كتير
وفى لمحه تبعتها لى
انا عشمى فيك كبير
ولاغيرك فى بالى
يارب انا ملك ايديك
كل تكالى عليك
اغفر ليا ذنوبى
انا حطهر توبى
واجى ساجده ليك
وارفع ايدى لسماك
واقول ربى رحماك
م الدنيا واللى فيها
واللى ماشيين عليها
ماتحكم حد فيا
ولاييجى عليا
انا فى الدنيا ديا
وجهت وجهى ليك
ودعيت وقولت ليك
يارب انا ملك ايديك
بارك لى فى مالى
واحفظ كمان عيالى
وابعدنى عن كل باغى
وانا بسبح ليك
وارفع ايدى لسماك
واقول ربى رحماك
واتمنى انول رضاك
واقول الحق ليك
الحق ده صفاتك
وانا بمجد زاتك
وارفع ايدى لسماك
واقول ربى معايا
حيحقق لى منايا
وكل مبتغايا
واقول يارب عنى
وشيل عنى ومعايا
احمال انت عارفها
شيلتهالى يوم
وانا برضى بالمقسوم
واقول حييجى يوم
ربى يزحها عنى
واشكى ع اللى واجعنى
واقول يارب عنى
وانت عالم بانى
راضيه وم الصابرين
حصبر وانول رضاك
واقول ربى رحماك
وانت تسمع ندايا
ومبن غيرك سامعنى
وارفع ايدى لسماك
واقول يارب عنى
***************
الفقيره الى الله/راوية حسن