أنا الأنثي .. بقلم.. م. بتول العتربي

أنا الأنثى أنا حوا أنا الإنسان
أنا موجودة على الهامش
وضلك لى مالوهش أمان
عيونى تبكى ماتنامشى
وإنت فى الغرام سلطان
أنا الأنثى أنا حوا أنا الإنسان
وفاكر إن أنا عاشقة
غرامى كان مسيره يبان
فى كلمة شوق فى حنية
فى غنوة كان لى فيها مكان
أنا الأنثى أنا حوا أنا الإنسان
أمرت القلب عشان ينسى
وكان يقوى قوى ويقسى
يفوتك وإنت ماترسى
لبر ينكتب له أمان
أنا الأنثى أنا حوا أنا الإنسان
ولاجل الود والعشرة
رجعت والأمل هربان
ألاقى طيفك الشارد
بيتحنى فى ليل سهران
وبايع قلبه لناس تانيه
بتديله دفا وحنان
خلاص وحكايتى منهية
ومنك تايه العنوان
أنا الأنثى أنا حوا أنا الإنسان
بتول العتربى

أعجبني

تعليقمشاركة

التعليقات

اكتب تعليقًا...