من بعد الحب ....! بقلم .. سحر الصيدلي ..

من بعد الحب وسيرة الحب
وكلام عشاق
دخلنا ف شكوى ومر العيشة
قلبنا حياتنا خناق في خناق
وبقينا سكوت
ولا عاد فينا صوت
ومفيش اشواق
وما بين طلبات
و نكد حوارات
تعلى الأصوات
مين الغلطان
الف سؤال وسؤال جوانا
ملوش عنوان
وسعادة الدنيا وحلم العمر
يضيعوا في عناد
وفراق وبعاد
وحياة كلها هم وأحزان
طب ليه ما نفكر مرة ف بعض
ونخلي كلامنا بعقل
من غير ما نجرح بعض
ونخلي حياة النكد اليوم
حروف من نور وحروف من شهد
ياحبيبي احلم بهدوء
دا حقيقة العمر النكد اليومي
كتاب مكتوب على كل جبين
بنعيشها سنين
ولا عمرها يوم هتروق
سحر الصيدلي

تعليقمشاركة

التعليقات

اكتب تعليقًا...