متكبر ليه =======بقلمي@سيدعبدالغني عبدالصمد

متكبر ليه
=======
ليه الانسان
كائن كذاب
لابيصون عشرة
ولاحتى كتاب
وع الأرض ماشي بيتمخطر
تقولشي عنتر
ولاطاووس بريش
منفوش
ومن نفخة يطير
ولاتشوفهوش
ولافيه غير لسان زالف
طويل على الغلبان
وع الغني مقصوص
ناموسة تسهره
ولاتنيموش
متكبر ليه
ماتقولي إيه حكايتك
ولا أحكيهالك انا
النطفة هي بدايتك
والجيفة تبقى نهايتك
وأحب إني أعرف سعادتك
وكمان أبشرك
إنك أخف م الريشة
وحتة زلطة بتبعترك
وإن كنت ماتعرفشِ وِشَّكْ
بص ف مرايتك وإعرفك
ح تلاقيك وِشْ عادي
مش ملاك
وإن عرفت نفسك
ح تكره ذات حضرتك
اقول كمان ولاخلاص
ح تفوق وترجع
وكفاية عليك بعزقة
ماانت بتوقعك زقة
وبتقلقك بقة
وشرقة بتموتك
عرفت إيه حكايتك
ولا لسه حضرتك
بقلمي@سيدعبدالغني عبدالصمد
جمهوريةمصرالعربية