بحلم فى يوم .. بقلم .. عزام أحمد

إيه اللي خلاني
اشتاقلوا من تاني
واتمني يوم القاه
مع إنه ودعني
ارتاح وضيعني
وعز عني رضاه

واديني مش قادر
أنسَي اللي كان بيننا
ع البُعد انا صابر
يمكن يعود شوقنا
بحلم فيوم يرجع واسمع بقلبي نداه
ايه اللي فكرني
بالشوق وسهرني
وعيوني ولا بتنام
سنين وانا ناسي
عايش مابين ناسي
خايف من الأيام
بعدك عيوني خلاص
مباقتش تعرف نوم
ونسيت معاك احساس
بتمني يرجع يوم
هبعتلوا شوق ليلي يقولوا مش هنساه
بسأل عليك نفسي
يا أغلي من نفسي
مالقتش عندي جواب
بدموعي بشتقلك
وبروحي بندهلك
بعدك ماليش احباب
دانا لسه دايب فيك
بعشق حنان قلبك
دلوقتي فين أراضيك
ياحرمني من قربك
باتمني اعيش لو يوم أوحتي لحظه معاه
واديني مش قادر
أنسي اللي كان بيننا
ع البعد انا صابر
يمكن يعود شوقنا
بحلم ف يوم يرجع واسمع بقلبي نداه
......................................✍
#عزام_أحمد