متفيش غيرك ..! بقلم .. بتول عبد المعز

و قلبى كان زمان طاير سعيد فرحان
يناجى فى الهوا اسمك
ويتغزل هنا برسمك
ولما يسمع كدا لحسك
بيتقاسم مع الأشجان
وفتى القلب وف ثانية
بقيت حيران
وأسأل نفسى إيه ذنبى
وإيه جابرك على النسيان
وصار العقل كدا فى حيرة
تكون غيرة من النسوان
غلطت فيا يا أميرة
وقلتى إن أنا الغلطان
ح أسامحك وأمح لك دمعك
وح أخدك ليا بالأحضان
حبيبتى وكل ما ليا
وليكى كنت أنا العطشان
ح تروى قلبى من تانى
وح أكتب لك كلام حانى
أطبب لك وأغنى لك
وأقولك انت ليا أمان
مفيش غيرك شغل بالى
ولا اتربع كدا سلطان
سألت القلب قال هيه
ولا غيرها يكون له مكان
ح تسمع ليا وح تجيلى
وح تكون لى دفا وحنان
نعيش العمر فى جنة
ونتهنى
ونبعد أد ما نبعد عن الأحزان
#بتول عبد المعز

تعليق

مشاركة

التعليقات

اكتب تعليقًا...