مأساتي مع الجزار،،،،،،،....إيهاب السقا......

Ehab Elsaka

مأساتي مع الجزار،،،،،،،
الطب يا ناس مافوهشى هزار
واللى بِيمرَض مُش بمزاجه
ومبيعرفشى دواه وعلاجه
غصب عنه مفيش اعزار

اسمعوا يا خلق حكايه زوجتى
كات تعبانه...شويه بسيطه
قولت أروح بيها لدكتور
ف سألت عن واحد مشهور
شاف زوجتى قال دستور
راح متكلم كده بغرور
زوجتك دِيَّه
عاوزه لعمليه
وهتتكَّلف حَبتين وشويه
روحت قايله..معايه النقديه
أصل زوجتى ديا عنيا
ودنيتى وغاليه عليا
المهم عمل العمليه
بكل بساطه
ما هو دكتور
كله الاطه
وقالى إيدك
ع المعلوم
قولتله المهم
زوجتى تقوم
راح قايلى
مش واثق فيا؟
وأنا عامل
ألف عمليه،،
خَد فلوسه
بسرعه وطار
بتكلم جَد
مش بهزار
روحت لزوجتى
أبُص عليها
الاقيها تايهه
ومش عارف اراعيها
قولت يا خَلْقْ
فين الدكتور؟
هِرب منى
ولا أجدع طور
وراحت منى
زوجتى بسهوله
وأنا حزين
يا ناس معقوله؟
وضاعت منى
حبيبه روحى
اصلها كانت
طبيبه جروحى
ضيَّعها طبيب
كله غرور
ما هو جزار
ماسك ف ساطور
وبيقولو عليه.......دكتور،،،،
ومحدش يديله يا ناس اعزار
لإنه طبيب.......حماااااار
وآدى حكايتى مع الجزار
......إيهاب السقا......