فاتت سنة .. بقلم .. راوية حسن

فاتت سنه ورا سنه
من بعد ماسبتنا
من بعدك انت اقول يامين
والدنيا مش حنينه
كنت الدفا كنت الوفا
وسنينى من بعدك مش هينه
من يوم ماانت سبتنا
والفرح بعد عننا
كل القلوب اتجمدت
وبقت حجر على قلبنا
وكل زكرى بتمر بعدك
بتفكرنى بايامك هنا
انا قلت حنسى بعد سنه
ومرت سنه ورا سنه
ولانسيت يوم عمرنا
الدنيا كلها بقت ملل
وصاب الملل كمان عشنا
وكنت عايشه على امل
ان الزمان يضحك لنا
لكن حياتى اتبدلت
واصبحت كما العلل
لا ايد بتتمد تساعدنى
ولاقلب يحس باللى صابنى
خلاص من بعدك جالى اكتاب
وكرهت كل انواع البشر
قلبت فى كل كتاب
لقيت الحزن فى قلبى انتشر
كان نفسى اسيطر عليه
لكنه على قلبى قدر
صليت ودعيت رب العباد
انه يعوضنى من القدر
امنت بيه وتوبت ليه
وقلت ايمانى بيه انتصر
يارب بارك لى فى حياتى
واولادى دول اغلى البشر
*********************مع تحياتى/راوية حسن
*****************************************