يا شهر زاد .. ! ..... الشاعر .. حسن السحماوى

يا شهر زاد .. !
............
شط الأمل ..
على بُعد خطوة من وصولك
فى إديكى أنت تقربى ..
ااصل الجمال ساكن عيونك
والعشق حلمك من سكونك
والروح فى روحك مغرمة
والضحكة حلوة مفضفضة
والقلب نابض بالهنا
بس أنت لازم تفهمى
شرط الحياة ..
إنك ياحلوة تقربى ..
وبلاش عناد .. يا شهرزاد ..
فاكرك أنا ..
من وقت كنتِ بتجدلى
فى ليلك سما
وتضفرى فى ليلك نجوم ..
كان وقتها ..
النجمة بتميل ع القمر .
بتوشوشه ..
تغزل ضفاير غنوته
حدوته يحكيها النهار ..
يا شهرزاد ..
شدى الحروف
وامحى فى طريقك ..
ااى خوف ..
دا البسمة منك بلسمة ..
شوفى كام سنة ..
مستنظره حلم النهار ... !! .
...شعر .. حسن السحماوى
\