لقا ممنوع ... بقلم .. عزام أحمد

علي فكره العُمر مالوش مرجوع
والذكرى بتخلق كام موضوع
والحب اللي بيشبع أوهام
تلاقيه ف الآخر مات م الجوع

ولولا الصبر ف ضلوعي
لا كان الشك مرجوعي
وموضوعى يادوب أيام
بموت فيهم سنين قدام
وناس تبكي علي فراقي
وناس تدهسني بالأقدام
وأحلام اللُقا ترحل
ومين فاضل ومين يفضل
ومش فارقه السنين دي بكام
يا نبرة صوتي يا حزينه
يامركب نفسها ف مينا
يا صرخة صوتي مين فينا
هيتصالح مع الأيام
دانا الوقت اللي مش محسوب
وانا العُمر اللي عدي قوام
حاولت اهرب حاولت أتوب
حاولت امنع عيوني تنام
سؤال مشروع
جواب كداب
لقا ممنوع
حنين متساب
ومهما الذكري تبقي دموع
هنعمل ليها ألف حساب
⁦✍️⁩.......................... #عزام_أحمد