ولا يكفيني ... ! بقلم .. سيد صادق

ولا يكفيني كل سنيني
وعمري الجاي .............
علشان اقولك قلبي يا عمري
حب ازاي ..................
حبيت فيكي كل ما فيكي
حتي ايامك او لياليكي
اللي بتقسي فيها عليا
وقلبك ليا يكون نساي
ولا يكفيني كل سنيني
وعمري الجاي .

*********************
لما بشوفك والقي عنيكي
قلبي يخدني ويجري عليكي
وانسي الدنيا وكل ما فيها
لما ايديا تيجي ف ايديكي
دايب دايب كلي حنين
والشوق فيا عمره سنين
عايز بدل القلب اتنين
علشان واحد ما يكفيكي
*******************
بحلم انا والحلم ماليني
انك من وحدتي تخديني
وتوديني لبر اماني
والقي معاكي حلم سنيني
حبك حبك اه من ناره
قلبي ف لحظه شوق اختاره
هامشي واكمل انا مشواره
لو فين حتي هايوديني
سيد صادق

أعجبني

تعليقمشاركة

التعليقات

اكتب تعليقًا...