همسات حائرة .. بقلم .. بتول عبد المعز

ومشيت أنا وحدى
ولآخر المشوار
تايه ومستنى
يطلع عليا نهار
بوح الهوى منى
يشجى قلوب أحيار
ياللى إنت سامعنى
راح تعرف الأسرار
متجملة فى نوتة
لافف عليها دوبار
والحلو اللى شاغلنى
عايش كدا فى عمار
زيح الغطا عنى
تلقانى وسط النار
بجماله باتقلى
ودلاله له أعذار
لو كنت أتملى
منه أهد الدار
وأعيش فى حلاوته
أشرب أنا أنهار
من شهده الصافى
من قلبه البتار
وحنانه الدافى
زايد عليه أزهار
ح تشمها تفرح
قلبك يرق يا جار
نور الهوى قبالى
محتاج أنا لقرار
وإن كان حبيب عالى
إيه فايدة الأسرار
بوح بالهوى ولالى
إحنا هنا أحرار
#بتول عبد المعز

أعجبني

تعليقمشاركة

التعليقات

اكتب تعليقًا...