بقلمى/ رفعت أبوكريّم (شاعر الصعيد)
بعنوان (عجبــــى) {مربعات من شعر الواو}
********************************
عجبى لتاجر حرامى
يكدب ويغش ف ميزانه
لبّسته ثوبى وحِرامى {الاحرام)
بعينى شفته ما زانه
***************
عجبى لراجل مدندف
أهبل وعميا مراته (من المرآة)
حصان بيرقص على دف
شادّة لجامه مراته
****************
اللى بيطمع وجزّار
وفرحان بكترة قروشه
إن هبّه كيفه وجا زار
ياكل ويملى ف كروشه
****************
عجبى على أبّ قام الولد ضربه
ليه يا ولدى أنا خلّفتلك فدادين
همّ الأصيل مسك الولد ضربه
بكى أبوه وقال اللى حصل فِدا دَين (أى أنه سلف ودين)
************************
عجبى عليك يا زمن
خلّيت الرخيص غالى
بعت الأصيل بلا تمن
والواطى صار عالى
****************
رفعت أبوكريّم (شاعر الصعيد)
جميع الحقوق محفوظة
29/10/2018
بعنوان (عجبــــى) {مربعات من شعر الواو}
********************************
عجبى لتاجر حرامى
يكدب ويغش ف ميزانه
لبّسته ثوبى وحِرامى {الاحرام)
بعينى شفته ما زانه
***************
عجبى لراجل مدندف
أهبل وعميا مراته (من المرآة)
حصان بيرقص على دف
شادّة لجامه مراته
****************
اللى بيطمع وجزّار
وفرحان بكترة قروشه
إن هبّه كيفه وجا زار
ياكل ويملى ف كروشه
****************
عجبى على أبّ قام الولد ضربه
ليه يا ولدى أنا خلّفتلك فدادين
همّ الأصيل مسك الولد ضربه
بكى أبوه وقال اللى حصل فِدا دَين (أى أنه سلف ودين)
************************
عجبى عليك يا زمن
خلّيت الرخيص غالى
بعت الأصيل بلا تمن
والواطى صار عالى
****************
رفعت أبوكريّم (شاعر الصعيد)
جميع الحقوق محفوظة
29/10/2018
ليست هناك تعليقات:
إرسال تعليق