=========مش قلنا كلمتين وافترقنا
############################
مش قلنا الكلمتين وافترقنا والسلام ؟!!
وانتي ف مكان ..
وأنا ف مكــان ..
بس ليه كل يوم بتيجى فى المنام
اسمع النبض فى ودانى
وهمس يشق حلم فى وجدانى
وعلى شفايفى شكل ابتسام
قلبى وقلبك عاملين معاهدة وانسجام
اطلع على محطة ترام
استنى شىء
ميجيش واستنى كمان
وكل يوم اقطع تذاكر
ياريت لو تبقى فاكر
وتقابلنى ولو خيال
على اى محطة ترحال
سبت روحى جوا منك
سبت احلامى وبعدت عنك
بس ليه احنا افترقنا
لما كل لحظة افتكر
ويتعبنى اشتياقنا
ان انتى منى وانا منك
وصعب جدا ابتعدنا
كان نفسنا ندفن الاحزان
فى اغوط مكان فى الكون
وننسى عقلنا ونعيش جنون
نعيش لحظة حنون
ونوقف عقاربهاوالظنون
نسمع دقات قلوبنا ونخاف نعاتبها
كان نفسنا ميقلوش صغار فى الحب
ويسبونا للدنيا نحاربها
حتو لو ننهزم ونسيبها
====================محمدعبدالمقصودداود
ليست هناك تعليقات:
إرسال تعليق