==============—دلوقت لازم اعترف
##############################
دلوقت لازم اعترف
اكبرعيوبنا للاسف
سبنا خطاوينا للصدف
وركبنا فى القطر الغلط
بعدت مسافتنا والحلم سقط
انا كنت زيك قلبى برىء
وحماس غبى مش جرىء
عايش بوهم يكون له بخت
هى البخوت تبنى بيوت
والا البخوت تدى للعشاق سكن
جرينا لكن .
.اهو كل واحد فى طريق
بس ما بعدناش بعيد
عن خارطة راسمتها روحنا
وراسمها لنا وطن جروحنا
ياريت كنا حاولنا ننقذ الشىء الغريق
كل الظروف خاصمت هوانا
ورغم قسوة السنين لسه قصتنا معانا
باسد فى كل الشقوق والشروخ
واجى من تانى لحد عندك
ورغم الشروح الغبية
وتفاسير صعب ما تفهم اللى بيه
انا وانتى بنعيش نفس القضية
وصعب تبعدنا اى ريح
مهما تكون قوية
===================محمدعبدالمقصودداود
ليست هناك تعليقات:
إرسال تعليق