كنت نفسي
أفرح زى البنات
أشوفك جنبي
بتلبسيني الطرحه
واخد رأيك في الفستان
بشوفك كأنك معايا
بضميني بكل حنان
أيوة بحس بالضمة
ما أنا عرفاها من زمان
بشوفك حواليا
على كل الجدران
عمرك ما غبتي عني
روحك ساكنه في كل مكان
حتى في يوم فرحي
حسيت بلمسة إيدك
بتشيل دموعي
حسستيني بالأمان
كنت كل دنيتي
ومعاكي بنسى الأحزان
بتلفت عليكي وأنادي
كأنك سمعاني
ياريت حلمي يكون حقيقة
يكسر جوايا الأوهام
عايشة على ذكراكي
سامحيني لو كنت
في يوم زعلتي مني
ياقلب زي الملايكة
مبيعرفش يزعل من إنسان
في عيدك هديلك ورده
على روحك الطيبه
وكمان دعوة
يآرب تكوني في أعالي الجنان
مهما قولت مش هوفي حقك
صدق رسولنا لما قال
الجنه تحت اقدام الامهات
بقلمي زينب الرفاعي
ليست هناك تعليقات:
إرسال تعليق