==—بعدنا امتى او بعدنا ازاى
##################################
بعدنا امتي أزاي بعدنا
الحلم خبى بسمتك جوا قلبى
وقال لى جى
والعمر وقف خطوته تحت شجرالحى
فجأة كبرنا او فجأة بعدنا
رغم اننا ماسكين نفس كبابى الشاى
لا عرفنا نوقف بعضنا
ولا عرفنا ندوق طعم حبنا
ولا طولنا اللقا والضى
ازاى كبرنا او ازاى بعدنا
صعب نحسب وصعب ننسى
صعب نقسى
صعب نقفل اى باب
ولا حتي نحسب أي شيء فـ الجاي
كبرنا أمتي أو كبرنا أزاي
2-...........................
بعد الفراق والانهزام
سحبنا كراسى الروح .
..فارقنا الابتسام
وكأن شىء نده اياك تنام
كل اللى جى ممسوخ .
.نسخة تقليد م حياة
باعوا السكينة بدبلتين فالصوا
وضحكتين من عصر فات عصره
اياك تكون من اللى استجاروا
من اى ضلمة او حفر فى الطريق
كل اللى جى مش صديق
افرد سجاجيد الصلا
وانعوا اللى راح
اكبر غنيمة انك واقف فى وش الرياح
بتدارى جواك حلم الطفولة اللى انكسر
الكلمة فى عينيكى كات قمر
والجرح كان ضريبة بتندفع وقت الوجع
والفراق برزج جديد
مالهوش مثيل يقسم حياتك الف نص
مستنى ايه
من عتمة نهار العمر
وكل شىء صار يقص
يا حزنها المواعيد لما تصير كأنها م الملح فص
لما تعيش من غير انيس
تخرج من حياتك على اى نص
كنتى حلم لسه بيترسم
وانا كنت نص
بعدالفراق والانهزام
كل شىء حلمت بيه ما عاد يخص
بعدنا امتى وبعدنا ازاى
بلاش نقول ونرص رص
==================محمدعبدالمقصودداود
ليست هناك تعليقات:
إرسال تعليق