بيبان العمرغلطت لما..حبيتك
وجوه القلب حطيتك
وجوه النن..
وليه أخلِص ..و تستغنى
و أسند فيك و تخذلني
و أستنى عليا..تمن.
يا أغلى وكل ما ليا.
يا نسمة صيف معدية
و قلبي كان مطاطي لها
و متعشم تجود و تحن
رميت قلبي على بابك
وكان ودي بيحلالك.
وجواك ظلم.
وعدت بحب يهنالي.
و إيد تمسح لأوجاعي
و دنيا جديدة وهبالي
زهورها و فل.
نسيت عهدك. محيت وعدك
وفين سعدي إللي خليته
دموع على غُلب. ؟
يا خاذل كل. أحلامي
أنا ح أهرب بأشجاني
و ح أجلد روحي علشانك
يا زيف الحب.
ومش عايزة ف يوم تيجي
عليا تطل.
ولو ذكرى على بالي
فى يوم ح تمر!
ح أغمض عيني و أنساها
و أقول للقهر ينساني
ولا تدخل ف يوم تاني
بيبان العمر..!
بقلم/صفاء الخواجة 
ليست هناك تعليقات:
إرسال تعليق