" تحياتي لكل الناس " 
لكل جريح
رماه الريح
ف قصه مليئه بالأحداث
لكل صريح
بدون تصريح
بيحفر لاجل يبني أساس
" تحياتي لكل الناس "
لكل ضحية مَأذيَّه ومنسيَّة
وفضلت تدي باستمرار
لكل ضحيه معميَّه وملغيَّه
فَـ خافت تِلفت الأنظار .
سلام للطيبه والأخيار
وللعمر اللي فجأه انهار
لكل اللي اتلسع م النار
لكل ضحية واخده قرار
ونَهِت السكه والمشوار
فَـ سَدَّت باب
وردَّت باب
فَـ قَوَّت روحها بالأسباب
كلام بحساب
سكوت بحساب
دخول بحساب
خروج بحساب
حساب بحساب
وتحية لكل واحد داب
وشاف الحُزن ف مرايته
فضل ماسك لحد ماساب
وشاب وشبابه ف بدايته
ودي روايته وف نهايته
قفل علي وجعوا بالترباس
و100 إحساس
" تحياتي لكل الناس"
#بقلمي.............
عزام أحمد
ليست هناك تعليقات:
إرسال تعليق