..حوار من غير كلام
...مع الحاج هلال
٠٠٠٠٠٠٠٠٠٠٠٠٠٠٠٠٠٠٠
الزمان والمكان
كانوا شاهدين اللي كان
والزمان قال للمكان
هو راح فين الحمام
كان هنا من كام سنة
وفي المكان من ألف عام
المكان قال يازمان
الحمام مالقاش أمان
والحيطان. تنزل تهيل
والمآذن راح تميل
ومساكن بتقول رحيل
والحيطة عليها صورة
وحجرة فيها كام عصفورة
والعصافير للسما هاتطير
والزيتون والتين مذلول
وعطشان الزرع ومعلول
وعليه كام عصفور مبلول
واللي شاهد بس وصامد
في المكان هو النخيل
راح عليه حط الحمام
صاحي مش عارف ينام
واللي طار ساب المكان
وراح يدو ور عالأمان
وساب حمام قاعد في عشه
والا حد يقدر يهشه
أصله عاشق للمكان
من زمان كام ألف عام
أيام وشهور وأعوام
بتعدي وكلها حرمان
عالحمام و عالمكان
بنيان وأرض وجدران
والشبابيك و البيبان
ياما كان بينهم غرام
والحمام ويا اليمام
كانوا في خير وسلام
بس فين راح الحمام
إللي كان مالي المكان
والزغاليل الصغيرة
من غير ريش
كانت في حيرة
كان هنا في كل دار
الصغار وسط الكبار ك
م المكان ليه كله طار
الزمان قال للمكان
والحوار من غير كلام
عاللي كان وعاللي دار
في الزمان وفي المكان
والكلام من غير لسان
والحمام من غير سلام
واللي شاهد عللي كان
المكان ويا الزمان
..........................
٠٠٠حوار من غير كلام
......مع الحاج هلال
ليست هناك تعليقات:
إرسال تعليق