الوداع الأخير............
خسرتك بس مش هنساك
وهافضل بردوا صاينه هواك
دلو كان فيه أمل وياك
ماكنتش يوم بقيت ذكرى
ومهما بعدت أنا فاكراك
وكل دقيقة حلوه معاك
هعيد ذكراها من بكره
ياقصة جميلة وحزينة
نهايتك علمت فينا
فضلت سنين بتسعدنا
وأول يوم تبكينا
ياريت ياحبيبي ترجع لى
ياريت العمر بايدينا
نسيتك ؟ عمرى ما نسيتك
وطول العمر حبيتك
ولما بعدت يوم عنى
فضلت بشوقى مستنى
أمل أو طير يقول راجع
وفجر يقربك منى
أتارى العمر عدا وراح
وراجع طيرى كله جراح
رسم لي فى العيون دمعه
وبدل فرحتى بنواح
رجع بيقول لى سامحينا
ياريت العمر بايدينا
خلاص ياحبيبى هنقول كان
خلاص هتسيبنا للأحزان ؟
تعالى أوام هنا جنبى
تعالى فى حضن ياقلبى
اشوفك لحظة من نفسى
واضمك مره زى زمان
واعاتبك وانت تسمعنى
واقولك جاى تودعنى؟
وتمشى بعيد وتوجعنى؟
واعيش ع الذكرى والحرمان؟
واقولك تانى يعنى خلاص؟
فقدنا الطيبة والاخلاص؟
يارتني اقدر اكون شمعة
علي قبرك في كل مكان
فى كل صلاتى بادعيلك
تنول الصفح والغفران
بقلم الشاعرة ... هيام الشهاوي
ليست هناك تعليقات:
إرسال تعليق