@@@ريح قلبي@@@
ريح قلبي معاك يا حبيبى
من شكي ومن نار الغيره
ليه يكون حبي سبب تعذيبي
وتسيبني لأحزاني أسيره
أنا مش ناكره إن إنت نصيبي
عايشه ساكته وقلبي في حيره
@ريح قلبي معاك يا حبيبي@
من شكي ومن نار الغيره
كل يومين مع واحدة جديدة
ومفكرني أنا مش دريانه
ليه مفكرني عايشه سعيدة
وإنت مشاعري معاك متهانه
ليه بتجرحني بقسوة شديدة
راعي برضوا إن أنا إنسانه
@ريح قلبي معاك يا حبيبي@
من شكي ومن نار الغيره
أنا عالحال ده مش قادرة أكمل
ولا هقبل أكون عايشه في الوهم
قلبي خلاص مش قادر يستحمل
شوف مين فينا في حياتك أهم
أنا مش هفضل في عيوبك أجمل
وأنا حاسه بخيانتك ليا يا شهم
@ريح قلبي معاك يا حبيبي@
من شكي ومن نار الغيره
وإياك تنسي إن أنا حوا يا أدم
وأقدر أسقيك من نفس الكاس
ممكن أخليك ترجع نادم
وبتشكي وجيعتك للناس
بس أنا مش عايزانا نتصادم
أنا بس بوصلك إحساس
@ريح قلبي معاك يا حبيبي@
من شكي ومن نار الغيره
أنا مش ذنبي إن أنا حبيتك
إرحم قلبي معاك وأنوثتي
أنا بحناني كله سقيتك
وإنت بتسقيني مرار غيرتي
بكره تفوق من نزواتك
وتدور علي واحدة شبيهتي
@ريح قلبي معاك يا حبيبي@
من شكي ومن نار الغيره
تحياتي
الاعلامى الشاعر وليد النميرى
ليست هناك تعليقات:
إرسال تعليق