============- عارفة لما تلاقى براعن خضرة ====
############################################
عارفه لما تلاقى براعم خضره
بعدالليل تتطرح زهره
وتمد ايديه تخنق
اى كأبة سمره
عارفة الفرحه لما تلون وش القمره
عارفه الشجره لما تمد فروعها تخطف نجمه
عارفه شارعنا لما بيرقص
وينادى ولاده الغربا
لما ولادنا يكنسوا كل هموم الحضرة
ويرشوا ميه ورد وفرحه
يفتحوا كراس البهجة
وفى اول سطر يرسموا بكره
عارفه لما نبات انا وانتى
نخمر فجر حنين وخيوط للطرحه
تشبك فى ضفاير ها الفرحة
ونجمع قصقيص نظرة عينك
وندبق حلم السهره
ونهار مستور بمحبة وفكره
عارفه لما اكتب اسمك
وفى حلمى الضايع اضمك
وابقى انا راسمك
عارفه
والا قفلتى ابواب الاحلام
ورميتى مصيرك
لايدين بتمص رحيق الزهرة
وتشدك للحتة العتمة
وتعيشى وكأن الدنيا صدمة
معقوله عيونك راحت منها الرحمه
وبراعم خضره
معقولة ح نقفل باب الدنيا
ونستنى ننام فى الحفره
========محمد عبدالمقصود داود===
ليست هناك تعليقات:
إرسال تعليق