ماليش زي ولا مثيل م أقبلشي يكون لي شريك
يقاسمني مشاعر فيك
مش ح أقبل يبقى لي ف قلبك
يا حبيبي عزول يحاكيك
** ** ** **
لو ناوي تحب ..وتهواني
خلص حواديتك و كلامك
مع كل حبايبك و جيرانك
و أفضى لي بقلبك و حنانك
** ** ** **
أنا أصلي يا روحي بأغير
و ما احبش رغي كتير
ولا أحب تسبل و تلاغي
عصفورة من العصافير
** ** ** **
دي شروطي و طبعي و إحساسي
لو عايز قلبي ...و دقاتي
نفذ لكلامي و طلباتي
و إثبت لي الحب دليل
** ** ** **
يا تفارق وتسيبني ف حالي
غيرك راح يقبل بغرامي
وبكل دلالي و أوضاعي
ولا يرضى يشوف لي بديل
** ** ** **
لو جيتني ح تعرف و تقارن
بيني وبين سابق أيامك
و تحس حناني و أشواقي
مالهاش ولا زي ولا مثيل
** **
بقلمي/صفاء الخواجة
ليست هناك تعليقات:
إرسال تعليق