إزاي تخبي حبك في قلبك وتقدري
وازاي تتحملي بعدي ولعذابي ماتقدَّري
وتنامي الليل والحب مايخليكي تسهري
ولاَّ قلبك لسه ملكك وعليه بتسيطري
ولاَّ قاصده تعذبيني وعلياَّ بتتدللي
ولاَّ حبي وحنيني خلوكي تتغيري
حاولت كتير أخليكي تحسي بمشاعري وتفهمي
وقولتلك الحب عندي مش حب عادي إفهمي
ياما حلمت بيه وعيشت فيه أنا وخيالي وكان فوق ما تتصوري
حب كبير اتخلق جوايا قبل ماإنتي تظهري
حب خدني لعشق كبير سلمت له امري للنهايه
ولياليه ينكتب فيها عن الهوي الف حكايه
وكل حكايه تتحاكي للعشاق روايه
إنتي عارفه عيونك الكحيله ورموشك السود
خدوني لعشق كبير ملوش حدود
ويهون عليكي ترميني بنظره شوق وتحرقيني
وتوحشيني اشتاق اليكي تتدللي وتسبيني
ارحميني وصبريني بشوية حنيه
وجوه حضنك ياعمري ضميني
ومن عطش السنين إسقيني من شهد شفايفك وإرويني
اتدللي وعلي قد ماتقدري حبيني وحني عليا
واوعديني يبقي حبك زي حب عبله وليلي
ماهو حبي ليكي اكبر من حب كل عشاق الدنيا،
خواطر ( أشرف الدغيدي)
حقوق النشر محفوظه
ليست هناك تعليقات:
إرسال تعليق