بقلم يوسف ونيس مجلع --- ايطاليا بريشيا
اصدقائي الاحباء هذه الكلمة اذيعت تليفزيونيا في يناير 2012 وكان الوطن يحترق من الفتن الطائفية ولم يكن في الحسبان ان انشرها مرة اخرى ولكن على كل من يستطيع ان يقول كلمة تهدي المشاعر فواجبه ان لا يتاخر – و اضيف الى اصدقائي و احبائي المسلمين في كل مكان ان جرحكم يؤلمنا و فرحكم يسعدنا لاننا لم نعد شركاء وطن فقط بل شركاء مشاعر ايضا و شركاء مستقبل زاهر انشاء الله كلمة بالعامية بعنوان جرس إنذار
اصحى يا اسلام اصحى يامينا --------------- اتسرقنا و اتسرق الحلواللي فينا
الاماني والاحلام من اغانينا ------------ و الشخصية و الهوية و كل ما يعنينا
و الاسامي مفضلش غيراسلام و مينا ----- و نسينا ان شفيعناعملنا مش اسامينا
اصحى يامينا
لاتقول كنايسكم ولا اقول جوامعنا ------------ تعالى نشوف الود اللي بيجمعنا
في كل اللي حوالينا الف دليل و معنى ---------- تعالى نعدل القيم في اوضعنا
ليه كلمة بتسخن الجاهل بقيت تولعنا ---------- لا نارها بتشبع مننا ولا بتشبعنا
وغمة حوالينا فينا فرحانين ------------------------ بهمة يطفوا نارنا بالبنزين
وهما شمتانين واحنا موجعين --------------- بالزمة معقولة نكون مش فاهمين
اصحى يا اسلام
اصحى يا اسلام بلاش النوم الكابس--- بيراهنوا برغيفنا واللي فاضل من ملابس
وسموم الافكارسجان لفكرنا حابس---وبركان الفتنة لو ثارمش هنلاقي له محابس
ليه انا مش شايف وانت مش حاسس---- اصحى قبل ما ياكل الاخضر مع اليابس
اصحى يامينا
ليه نسينا العلم والتخطيط في مشاريعنا ---- والدين بداية ونهاية في كل موضيعنا
ليه الحب والسلام هجرو شوارعنا ----- وناب الجهل متربص كل همه يضيعنا
الامم في سباق التقدم علي مسامعنا--- واحنا بالدين مخدرين نايمين في صوامعنا
اصحى يا اسلام
الاعلام مرئى و مسموع و مكتوب ------- يااصفر يا اسود من قرن الخروب
وفضائيات بجهلنا تعمر الجيوب --------- واحنا همنا نشوف في بعض العيوب
خلونا نمشي ونشوف بالمقلوب --------------- و احنا نسينا ان ربنا رب قلوب
العدوعارف النتيجة وكله محسوب ------- صراعنا انت الخسران وانا المغلوب
اصحى يامينا
الفراشات بتموت ضلمه وبرد وقله ازهار------ مش شدة نور و دفى و ازدهار
عدونا وخدها جد مش هزار ---------------- اصحى جايزده يكون لنا اخرانذار
اصحى يا اسلام
النصوص واضحه فى كل دين ----------------- و احنا عارفين ومش فاهمين
هنا محبة وهنا رحمى للعالمين ------------------- واحنا لا رحمى ولا محبين
اصحى يامينا
كل اللى فشل يكون بين المميزين ------ باع كل غالى واشترى له ستارة دين
تجارة رابحة احترام قبل الملاين ----- بضمان الفقراء والاغنياء والمتوسطين
ومهما قال من عجب يتقال له امين -------- اصل محدش يقول لا لبياع الدين
اصحى يا اسلام
خليك سلام من اللى عليه السلام ------------- وانا اكون حب من الحب فادينا
نبقى اعظم اغنية حب و سلام -------------------- العالم كله يحفظنا و يغنينا
اصحى يا اسلام اصحى يا مينا
اصحو قبل ماتفقدو الاحساس --------------- اصحو وعي يصحي كل الناس
نرفع مصر مكنها فوق الراس ----------- قبل متضيع تحت الرجلين و تنداس
اصحى يا اسلام اصحى يامينا
موسوعة الود فى حب مصر امكم -------- هي المجد وانتم عمدان جد بتشيله
اللي قاصد يهد واحد منكم ------------- كداب لو قال بوقف التاني على حيله
اصحى يا اسلام اصحى يا مينا
اصحوا نطوي صفحة عار في التاريخ ----- وحدتنا انتصار مهما العار طول
اسف كتير ومتزعلوش من التوبيخ ------ التاريخ مبيشطبش ويكتب من الاول
بقلمى يوسف ونيس مجلع --- مصر
ليست هناك تعليقات:
إرسال تعليق