وكان مايفرقناش حاجه..
ولا ميت صوت. .يعلى
عمرى أبدا ما كنت بااهون..
وكنا أصحاب ..
سرى سرك..
وسندى ضهرك..
وياما سهرنا ..
ويجى الصوت...
ادخلوا ناموا..
نضحك.. نلعب..
ونجرى.. فى حوش البيت
وتعلى ضحكه..
يسمعها ابويا يقولى..
هااموتك موت..
وأجرى..
استخبى فى ديل جلابيه ست البيت
ياقلبي يامشتاق الماضى ولى وفات. ..
والدم بيهون..
ووقعنا فريسة للى ما بيصون
وفى الشتا بينام كل ورق التوت. .
وشتاك طويل..ممدود ...
ياعمري يامسروق..
لسه بتنده فوق. .
لسه فاكر انى اللى فرحته ما تكمل غير بيك..
لساه هنا...
دلوقتى اكلته
فسحته..
تكمل لو مشيت..
روح موت...
خلص الكلام بينا. .
وجه مكانه سكوت
وكان الكلام ما يسكت..
وحلمى مات جوايا من خوفه مخنوق ...
راح السكن والبيت واللمه جوه البيت. .
وسندنا..
ضهرنا..
وكل عمرنا. بلعهم الحوت...
والحوت ..ده اه منه ده جبار مايهزمه.. الموت..
والحوت ده له فى كل درب بيوت. .
وهاتيجى ايه جنبه..
سلمله بقى وفوق
يا عينى على زمن..
الأخ باع اخوه..
والدم اللى بيهون...
ونتاخد فى الرجلين..
ياقلبي ياانسان..
انسى اللى كان زمان. .
واترحم ع اللى كان ..
...اصحى بقى وفوق...
ماجدولين ماهر
ليست هناك تعليقات:
إرسال تعليق