وانا مهما يمد خط العمر
وياخد من زمنا زمان
ح اعيش الصبر
واغنى له اصعب الالحان
و احبك واعيش العمر ولوعلى الحرمان
واتحايل على الذكرى
تجينى ولوفى منام
عشقتك كما عشق الحروف للكلام
بحبك وردة وشجرة وبسمة ودار
بحبك فى النهار شمس
وجوا الليل تكونى نهار
ولوباقى فى عمرى عمر
ح اعيشه وياكى
واحلم انك تكونى تراتيلى
وذكر من الاذكار
صحيح بعدك كان نصيب
وعشت العمر كانى غريب
وغيرى ارتوى من نهرى
وانا عشت العطش انهار
وطعم الحلو فى بقى مرار
بكيت والدمع كان لى مزار
وخل من السمار
واقول الاه فى اشعارى
ولا يسمعها سمارى
خلاص ح ننهى القصة
واموت وفى روحى غصه
لكنى وانا فى قبرى
فى ا ى يوم ونهار
ح اتمنى تكونى زاير من الزوار
================ محمد عبدالمقصود داود
ليست هناك تعليقات:
إرسال تعليق