قصيدة .. بابا ... نايم وماتكلمش ..! الشاعر .. سمير محمود

بابا اصحى خلينا نلعب مع بعض، يابابا باااابااا هو انت نايم بجد😓؟!طب بص ١_٢_٣_٤_٥.................يووووووه
تعبت عد،وحياتي عندك رد عليا ،قولي ياباردة.قول يا غبية،قوم واضربني وبهدل فيا،ووعد عليا انا مش هبكي، ولا هجري على ماما واشكي، وهفضل اسمع وانت بتحكي،ومش هزهق ولاهشهق ولاهجري بعيد وامشي،فمتخافشي ومتقلقشي ومن فضلك تكلمني،ومن صوتك ماتحرمني ولو حتى تزعلني انا هصبر ومش هنفرولا هتعب،فقوم يلا عشان نلعب ومش فارق مين يخسر ومين يكسب،ومين مهزوم ومين غالب،فمش هقبل تكون غايب،وانا سايبة حياتي معاك،وبستناك مفيش غيري بيتمناك وبيحبك،ابوس راسك ابوس يدك،تقوم ترجع بلاش تتقل وتدلع،بلاش دلعك ساعات يوجع،وانا زاد القلق عندي،ومين غيرك ياخد يدي،ويبقى معايا مش ضدي،يابابا انطق تكونش كبرت؟!،تكونش مت؟!،ياويلي ع اللي راح يحصل،ووردي اللي راح يدبل ،وايه يفضل وانا راسمة معاك حلمي،وطول عمري بتعشق مركبي شطوطك،خلاص يعني سكت صوتك؟!،خلاص هعلن للجميع موتك؟!،وسجادتي اللي مفروشة؟،ومين سندي على الكوشة؟يادي الحسرة يادي الحوسة،ومين هيقولي ننوسة،ومين سندي ومين ضهري؟، ومين يشهد على مهري ؟ومين هيجيبلي بسبوسة؟
#سميرمحمود

٣