سؤال ؟؟ بقلم .. علي ياقوت الزعيقي

علي ياقوت الزعيقي

عندى كلمة

عندى كلمة فى سؤال
عاوزك تجوبيها

وان مكنتيش عايزة تجوبي
روحى لليل وقوليها

هو صحبى وعشرة عمر
حيقولى عليها

انا اصلا شيفها فى عيونك
من غير ما تحكيها

عيونك فضحاكى ليه
ياعمرى عنى تداريها

دى احلى كلمة ممكن اقولها
واحلى كلمة تسمعيها

ياما فى قلوب نفسها تسمعها
من مبحبيها

وانت ليه لا ياروح الروح
ياغنوة عاوز اغنيها

واسمع كل الناس غنوتى
وباسمك ابديها

تكون غنوة للعاشقين
فى ايامها ولياليها

يسهروا فى قمر ليلها
ويفسروا معانيها

كلمتى طالعة من القلب
بقلبك استقبليها

وفى ليالي الشتاء والبرد
ياعمرى احضنيها

وبعيد عن عيون حسادك
بعيد بعيد خديها

وارقصى وافرحى وعلى
وتر قلبى ابقي غنيها

وان معجبتكيش انا هنا
مستنى ابقى عيديها

مش حزعل منك صدقينى
اصلا انت كل ما فيها

وانا ليا جراحى حروح
انا ادويها

واخد حبوب الصبر يمكن
الحبوب لجروحى تنسيها

قسوتك واساكى عليا
ولمشاعر كنت اهديها

لقلبك الاخضر وعيونك
خلاص ياعمرى انسيها

وانا كمان حانسى
مشاعرى وفى قلبى اخبيها

يمكن يوم يجي يوم
مش بعيد وانت حتتمنيها

على ياقوت
مصر

أعجبني