قلوب من نار .. بقلم .. صبري رسلان

Sabry Raslan

قلوب من نار ( 116)
.......................
وفرشنا الود ليهم
والغل كان ماليهم
لوجعنا يدوروا ..
إرتااااااحنا ليه
فى بعادهم ...
وشيطانهم نار وحالهم
على بعض يدمروا
دخلولنا بألف حيله
بدموع تماسيح وسيله
في قلوبنا ما فيش ضغينه
طبيعتنا بتدي طيبه
جم لافوا وأثروا ..
أيام والغدر منهم
والظالم كان جبانهم
بالغش إتنكروا ...
صنعولنا وشوش ملايكه
جواهم نار وقايده
شامين في شياط قلوبهم
حرقتهم بان أصولهم
على بعض إتمردوا
عايشين بيداروا خوفهم
زارعين في الشوك وصابهم
لا حسدهم طفى نارهم
ولا لاقوا أيدين تشيلهم
وقفلنا بيبان أملهم
بفولاذ ما يقربوا
ما حفظنا دروس سمومهم
ألفنا كتاب خداعهم
دخان هنطيروا ...
ولا حتى تفكروا
ممنوع لا تقربوا ...
بقلم .. صبري رسلان

٣