موال ... إبراهيم الافندي

إبراهيم الافندي

موال
على خشبة مسرح الدنيا لازم ح تعيط من قلبك وتموت علي روحك م الأحزان
على خشبة مسرح الدنيا الكون قادر يسعد نفسه إلا البني أدم ليه متهان
على خشبة مسرح الدنيا الضحكة ماهيش لاقيالنا مكان و الكل بيضحك من قلبه الا الانسان
اغنية #مسرح_الدنيا
#كلمات_الافندى
على خشبة مسرح الدنيا
حتشوف الحب بيتعور
و لون العدل بيتغير
و تشوف الحق يضيع حقه
و ما حدش جنبه بيتصور
وتقابلك احزان الدنيا
على خشبة مسرح الدنيا
محدش بيمثل دوره
و محدش صابر يجي دوره
و الكل عنيه علي دور غيره
يوصل لحجات مش من حقه
بخداعه و بكدبه وزوره
وتلاقي الظلم واخد دوره
و تشوف الصدق بيتزور
وتشوف الحب بيتعور
ولون العدل بيتغير
و تشوف الحق ضايع حقه
و محدش جنبه بيتصور
و تشوف الناس المسكينه
مديوجة بأبرد سكينه
و تقابلك احزان الدنيا
علي خشبة مسرح الدنيا
محدش فيها لابس وشه
والطيب واخد علي وشه
و العالم بيخر كأبه
وبلاد علي غيرها بتتغابه
والغابة تخاف من افعالهم
وتقول العالم دول مالهم
وبلاد من قلب الجغرافيه
تتشال بالدم و بالعافيه
و الظلم يوماني بيتطور
وتشوف الحب بيتعور
ولون العدل بيتغير
و تشوف الحق ضايع حقه
و محدش جنبه بيتصور
و تقابلك احزان الدنيا
علي خشبة مسرح الدنيا
علي خشبة مسرح الدنيا
#خلصت_كلامى_خلاص #خواطر_الافندى